Samræmismat

Ítarleg prófun á vogarbúnaði sem aðeins tilnefndir aðilar mega framkvæma – forsenda þess að ný vog megi fara á markað innan Evrópska efnahagssvæðisins.

Hverjir þurfa samræmismat?

Samræmismat á við um sjálfvirkan og ósjálfvirkan vogarbúnað í eftirfarandi tilvikum:

Vogarbúnaður sem er nýr á markaði hér á landi.
Vogarbúnaður sem er nýr á markaði Evrópska efnahagssvæðisins.
Notaður vogarbúnaður, framleiddur utan EES, sem á að nota eða selja innan þess.

Hver má framkvæma það?

Samræmismat felst í ítarlegri prófun á vog sem aðeins tilnefndir aðilar mega framkvæma. NMi er tilnefndur aðili (Notified Body) af Evrópusambandinu, númer 0122.

Sem umboðsaðili NMi á Íslandi getum við hjálpað aðilum að markaðssetja vogir í Evrópu með því að framkvæma samræmismat samkvæmt kröfum reglugerðar.

Hvað sýnir samræmismatið?

Samræmismatið sýnir fram á hvort grunnkröfur tilskipana 2014/31/ESB og 2014/32/ESB hafi verið uppfylltar.

Eftir samræmismat

Þegar gerð er krafa um að notuð sé löggilt vog þarf hún að standast samræmismat áður en hún er tekin í notkun. Eftir það þarf að löggilda vogina með reglulegu millibili til að staðfesta að hún uppfylli enn kröfur.

Hugtak

Samræmismatsstofa

Stofa sem annast samræmismat, þ.m.t. kvörðun, prófun, vottun og eftirlit.